PET-undersøkelse

Viktige førebuingar

• Drikk rikeleg dagen før undersøkinga
• Unngå all fysisk trening dei siste 24 timar før undersøkinga.
• Hald deg varm og unngå å fryse dei siste 24 timane før undersøkinga.
• Du skal faste minst seks timar før oppmøte. I fastetida skal du drikke cirka 1 liter reint vatn (ikkje kaldt).
• Unngå drops og tyggegummi, snus og røyk under fasta.
• Ta medisinane dine som normalt.
• OBS: Om du har diabetes, må du følge spesielle retningslinjer. Ta kontakt med oss på førehand
• Ta med ei liste over dei faste medisinane dine.

Gi beskjed dersom du:

• har astma eller allergiar
• har nedsett nyrefunksjon
• har diabetes
• er forkjølt eller nyleg har hatt ein infeksjon
• nyleg har fått cellegift eller strålebehandling
• er gravid, kan vere gravid, eller ammar
• bruker roande medisinar

Før undersøkinga får du ein injeksjon med eit radioaktivt sporstoff (druesukker) i ein venekanyle i armen. Dersom du har med deg pårørande, må dei forlate undersøkingsrommet når injeksjonen blir sett i armen din.

Etter injeksjonen skal du ligge stille i cirka éin time utan å snakke, lese eller bruke telefon. Dette er nødvendig for at stoffet skal fordele seg best mogleg i kroppen.

Når kviletida er over, startar sjølve bildeopptaket, som vanlegvis varer i 15–30 minutt.

Heile undersøkinga tar mellom 2–4 timar.

Etter undersøkinga kan du reise heim. Det radioaktive stoffet gir ein låg stråledose og forsvinn frå kroppen i løpet av 4–5 timar. I denne perioden bør du unngå nærkontakt med små barn eller gravide.